قاموس حلب

قــــامــوس حلـب الحديـــــــــــــــث

• أسماء الإشارة الحلبية
كُه-بضم الكاف- او كُهنه======هذا هو -للمذكر القريب المفرد-
كِه -بكسر الكاف- او كِهنه=== هذه هي -للمؤنث القريب المفردة-
كُهاك- بضم الكاف- ======هذا هو -للمذكر البعيد المفرد-
كِهاك-بكسر الكاف- =====هذه هي للمؤنث البعيد المفردة-
كُهاكين-بضم الكاف-=====هؤلاء هم- لأكثر من واحد للمذكر-
كِهاكين-بكسر الكاف- ====هؤلاء هم-لأكثر من واحد للمؤنث-

• استكمالاً للقاموس الحلبي إليكم هذه المجموعة من الكلمات الخاصة بحلب:
جنق = الصحن
خوليه = البشكير
جمجايه = معلقه السكب المقعرة
سكرتون= خزانة
لا تجقجق = لا تدوس على الماء - إذا كانت الأرض ممسوحة-
عَوْجِة = كوع
اشبك ؟ = سؤال استفسار
عَلوّا = يا حبذا
اشلك فصتون ؟ = بالشامي شو بدك فيون
تَعَوَّقِت = يعني تأخرت - وبقلك المتل بحلب المتعوق حجتو معو-
باتشاية = غطاء الوش – الوجه-
عجب = أداة تعجب حلبيه المنشأ – مثال: عجب خيو محما را يجي اليوم ولا لا ؟ -
كنجفة أو سكمبيل = مرادف لورق الشدّة بحلب
آط= مرادف لكلمة طابق -يعني فلان ساكن بالطابق الخامس أو خامس آط -
فَرْشْخَانِة= اللي بيلتم فيا الوسخ= مرادف آخر -السفاية -
خِطَّار = ضيوف
باب صقاق= باب الدار
جوجحانة= المرجوحة
قفّه = سله من خيزران يوضع فيها التين عادة
سَئَّاطَة او سَقَّاطَة = القطعة المعدنية اللي بندق فيها باب الصقاق
و بتجي كمان بمعنى سَئَّاطة الكبة = قطعة الكبة بصينية
انْصْرَة= يعني اغتنم الفرصة -مثال--- انصرة انتو عنا يعني نغتنم فرصة وجودكم عندنا -
فصط = في وسط – مثال: نحن من فصط حلب -
ديوانة أو كناباية أو كنبة أو ألطُء = أريكة
صرماية أو صرمة = حذاء – وتستخدم بعد كلمة "ابن" للمسبات – مثال : ابن الصرماية -

• أمثلة مع الشرح و إعراب المفردات:
إشْ عم تِلْقُشْ أبوي .. ؟؟ تُقْبُشْ قلبي صرلي عايش طول عمري بفصط حلب وطاول
طاول ما سمعت كلمة أَخَرْمِشْ السما . دي حاج تقسيم علينا حج أبو عبدووو "
شرح المفردات :
طاول طاول .... يعني أبداً أبداً
دي بالحلبي أداة تحريكيه .. يعني بالمشرمحي دي خيو .. خلصنا
وتُعرب هذه الكلمة كالتالي ..دي: أداة فَجْلَقَه حلبيه لا محل لها من الإعراب

• مصطلحات حلبية عن أسلوب الاختصار:
تاااا ... بدل من تعال
رووو ... بدل من روح
ما راي .... بدل من مالي رايح
ابخالتي ... بدل من ابن خالتي
شقسّاعة ... بدل من شقد الساعة
صَعِي ... أداة استدراك بمعنى صحيح